Iginpahayag ni Batangas 2nd district Rep. Gerville Luistro, Chairperson han House Committee on Justice, nga nakarag an higayon han kampo ni VP Sara Duterte nga direkta nga batunon an mga akusasyon kontra ha iya mahuman nga igsumite an 15-pahina nga Consolidated Verified Answer Ad Cautelam.
Dugang pa ni Luistro, waray tumugma an baton han bise presidente nga point-by-point ha mga impeachment allegations, nga amu an maiha na nga ginpapamulat han publiko.
Ginmalatumat hini nga samtang ginbabasa niya an baton, in baga-baga hin motion to dismiss ini, nga dire naman igintutugot ha impeachment proceedings. Mahitungod hini, pwede igkonsidera han komite an filing ni VP Sara kumo general denial, nga baga-baga hin dire direkta nga ginbaton an mga alegasyon.
Iginpahayag ni Luistro nga nakumpirma na han komite an suffiency in form and in substance han duha nga nasasalin nga impeachment complaints kontra kan VP Sara ha nakalabay nga deliberasyon.
Dugang pa hini, iginrerespeto nira an opinyon han kampo ni VP Duterte pero nagpapabilin hira nga mahirot ha pagsunod ha patakaran han komite.
