HEALTH NEWS- Bagaman nga normal la an procedure han tooth extraction in nanginginahanglan la gihapon hin pira kaadlaw nga pahuway.
Samtang nagpapaupay in lauman nga mayda sakit ha lugar nga gintangalan han ngipon.
Para mas madagmit an kaupay ngan makalikay ha impeksiyon in sundon hin maupay an sagdon han dentista.
Usa na dinhe in an paginom hin toothache painkillers o anuman nga pain reliver nga igreresita.
Ayaw dayon pagtangala an gauze pad nga ginbutang han dentista ha tooth socket para maibanan an pagdudugo.
Kumo remedyo ha balay in pwedi butangan hin ice bag an apektado nga parte para maibanan an paghubag.
Kinahanglan gihapon pumahuway hin 24 oras ngan maglimugmog hin 8 ounces hin maligamgam nga tubig nga mayda tunga hin kutsarita nga asin.
Importante naman an pamug-os han dugo o blod clot ha tooth socket.
Ig-undang la anay an pagsisigarilyo matungod nga makakapaiha ine ha kaupay.
Kaon hin mga pagkaon nga maghumok sugad hiton sopas, lugaw, yogurt o pudding kutob ha mga masunod nga adlaw kahuman gabutan ngan kun maupay na an samad in pwedi naman hinay hinay nga kumaon hin solid food.
Likayi an paghigda hin flat matungod nga ha mao nga posisyon in pwedi mag-iha an pagdinugo.
Igpadayon la naman an pagbrush ngan pagfloss pero likayi nga maigo an an apektado nga lugar.
