TACLOBAN CITY– Nagpapabilin nga hamubo an presyo han lokal nga bugas ha Sinirangan Bisayas.
Sumala kan Fredirick Dy, President han GRECON, an nasabi nga hamubo nga presyo han lokal nga bugas, in kabaliktaran han presyo hiton imported nga bugas kun diin, na-aabat na an ginpatuman nga iban ha taripa hiton mga gin-iimport nga bugas ha nasud.
Ginmalatumat naman ni Dy, nga dire makaka-apekto an holiday season sugad hiton kapaskuhan ngan bag-o nga tuig, ha posible nga paghitaas han presyo hiton bugas.
Ginpaangbit hine nga ada ha P45.00 kada kilo an presyo yana hiton lokal nga bugas.
Ha lain nga bahin, presente naman nga nagpapadayon an wet cropping season hiton humay ha bug-os nga rehiyon.
Ginbaban-bana naman han nasabi nga opisyal, nga dire makaka-apekto an kalain han panahon nga na-aabat ha Luzon area ha suplay hiton bugas ha Sinarangan Bisayas.
