TACLOBAN CITY – Mahugot nga gintitipahan han pira nga mga aktibista ha rehiyon an pagdumara hin aktibidad han US Forces dinhi ha Pilipinas.
Subay ha pakighimangraw han Bombo Radyo Taclonban kan Rey Miranda, Secretary General han Bayan Sinirangan Bisayas, ginpahayag hini nga pasngilanan la an ginbubuhat nga pagbulig han Pwersa Militar han US mahitungod mayda ini mga kalugaringon nga interes.
Gintagaan pa hini hin duon nga mayda iba nga panuyo an US ha pag-abot han panahon.
Sumala pa kan Miranda nga usa nga rasun kun kay ano nga ginpaiwas an Pwersa Militar han US dida han tuig 1991 mahitungod han nagpakatambak hini nga mga Light ammunition, bomba ngan pira pa nga mga Hazardous nga mga butang.
Usa daw nga posible madarahigan han mga kalaban han US in amo an mga inosente nga katawhan nga kun diin hira in naka-kuta.
Panawagan pa hini kan Pangulong Duterte nga unta in igpadayun an gusto hini nga maging independente nga nasud ngan durudrtso nga mapalayas an US Forces.
