INTERNATIONAL – Ginatos-gatos nga Jewish an nagprotesta ngan nagtitirok ha Trump Tower ha New York agud igpahayag an suporta ha mga Palestino ngan kan Mahmoud Khalil, usa nga Palestininan nga estudyante nga aktibista nga gin aresto han mga otoridad.
An protesta in nag iha hin sobra usa kaoras, nga nahitabo ha sulod han kilala nga Manhattan skyscraper nga panag-iya han Trump Organization, ngan han personal nga balay ni US President Donald Trump.
Nagsul-ot hin paprehas nga pula nga T-shirt nga mayda nakasurat nga ”Jews say stop arming Israel” an mga nagprotesta nga gin organisa han Jewish Voice for Peace.
Nasupresa naman an mga gwardiya ngan kapulisan han magtikang han mga demonstrador nga maguakan ngan kapot an mga slogan, kaupod an ”fight Nazis, not students,” nga nagtudlok ha ginbuhat nga pag-aresto han administrasyon Trump ha mga langyawanon nga estudyante nga dabi ha mga pro-Palestinian nga protesta.
