NATIONAL – Iginduon han lead counsel ni anay Presidente Rodrigo Duterte nga mayda ‘compelling argument’ agud maibasura an kaso han anay presidente ha International Criminal Court (ICC) ugsa paman an nakatalaan nga trial ha Setyembre 23.
Ha usa nga pahayag, ginmalatumat han high-profile international criminal defense lawyer nga naglalaum hiya nga mauundang an kaso ugsa kumpirmahon han ICC an mga kaso kontra ha anay presidente pinaagi han pagduon nga waray hurisdiksyon dinhi an international tribunal.
Duon pa hine, an pag-iwas han Pilipinas tikang ha korte in nagin epekto ugsa paman tugutan an nasabi nga imbestigasyon han ICC ha daw mga pagpatay ha war on drugs han anay Presidente.
Dugang pa han British-Israeli lawyer nga hi Nicholas Kaufman, pag-abot ha hurisdiksyon, dire na kinahangalan nga magin dean han usa nga law faculty para mahibaruan nga ine in magigin usa nga dako nga isyu ha pre-trial.
Sanglit, kumo usa nga defense counsel, natuod hi Kaufman nga compelling an jurisdictional argument ngan magmamalinampuson ine, ngan kun dire man, duro daw ine nga manhihingarag.
In kaso naman pumabor an ICC judges ha nasabi nga argumento, waray mahitatabo nga pagdungog ha kumpirmasyon han mga kaso han anay presidente.
