TACLOBAN CITY – Nahack an Facebook page han Palo Cathedral han nakalabay nga adlaw.
Sumala kan Arian Paul Aguillon, Head han Social Media Committee han Palo Cathedral, dire la anay magagamitan an official Facebook page han simbahan mahitungod nga nahack daw ine.
An ngaran han page nga Palo Metropolitan Cathedral in ginbalyuan han hacker hin ngaran nga Sunshine Gummies kun diin ginbalyo gihap an katergorya hine, tikang ha kategorya nga Catholic Church in ginbalyo ine ha kategorya nga Health and Beauty.
Waray pa naman hibarue kun hin-o an nagbuhat hine ngan an panuyo han paghack han nasabi nga page.
Gintestingan daw nira pagbalyo han ngaran han page pero base ha standard rule han Facebook in usa anay ka semana an malabay ugsa pa ine mabalyo utro an ngaran.
Ha pagkayana, an temporaryo gin gagamit han simbahan ha ira mga announcemnts ngan mass livestreaming in amu an Palo Cathedral nga Facebook account.
