TACLOBAN CITY — Padayon an paningkamot han Eastern Visayas Medical Center o (EVMC) ha pagpauswag han kalidad han serbisyo panlawas ha Rehiyon 8 ha ilarom naman han liderato ni Dr. Joseph Michael Jaro.
Usa ha mga pitad nga igpapatuman han ospital ha Hulyo han presente nga tuig in an obligasyon nga magsul-ot hin patient gown an mga pasyente samtang aada ha sulod han pasilidad.
Sumala kan Chief of EVMC, Dr. Joseph Michael Jaro, ini in kabahin han padayon nga standardisasyon han proseso medikal ha ospital, agud masiguro an kalimpyo, dikalidad, ngan episyente nga serbisyo ha tanan nga pasyente.
Ginlalauman nga makakabulig ini nga mga inisyatibo ha pagpakusog han public health system han Eastern Visayas, ilabi na ha pag-atubang han magkaduro-dilain nga panginahanglan medikal han publiko.
Kasumpay hine, plano nga magdugang han bed capacity han EVMC — tikang ha yana nga 800 nga beds ngadto naman ha 1,500.
Ini nga expansion in usa tumong agud masiguro nga makakagserbe an ospital ha mas damu nga pasyente, ilabi na kay amo la ini an pinidako nga ospital ha bug-os nga rehiyon.
