TACLOBAN CITY – Nagdara hin dako nga dungog an usa nga estudyante han Palo, Leyte nga Heavenne Bihag han kilal-on ini kumo Most Outstanding Campus Journalist – Secondary Level han kahuhuman pala nga National Schools Press Conference (NSPC) han Department of Education ha Cagayan de Oro City.
Hi Bihag in paggragradwar pala ha Grade 10 pero hiya an Editor-in-Chief han The Cradle, an school paper han Palo National High School.
Antis han paisan isan ha Cagayan de Oro, ginkilala na gihapon ini kumo Most Outstanding Journalist in Secondary han Regional Schools Press Conference ha Dolores, Eastern Samar han nakalabay Mayo 2023 kun diin an ira school publication an nagdaog nga Best School Paper in English.
Nagdaug gihapon ini hin iba pa nga mga awards ha TV Broadcasting han nasabi nga paisan-isan ngan sugad man han Leyte Division Press Conference nga gindumara ha Jaro, Leyte.
Hiya in produkto han Special Program In Journalism han DepEd-Eastern Visayas.
Hi Bihag iton gisasyahani nga taga Sinirangan Bisayas nga naka-angkon han nasabi nga award han NSPC.
