Ginlalauman han Bangko Sentral ng Pilipinas nga sumaka ha butnga han 6.4 kutob 7.4% an inflation rate han nasud para ha bulan han Setyembre 2026.
Sumala ha BSP, an ginlalauman nga paghitaas han presyo han mga papliton in durot han epekto han maraot nga panahon nga nakakaapekto ha presyo han utanon, isda, bugas, ngan prutas ha mga lokal nga merkado.
Nakabulig gihapon ha pag-saka han lebel han inflation an padayon nga paghitaas han presyo han produkto han petrolyo ngan an paghinay han kantidad han piso kontra dolyar ha nakalabay nga mga semana.
Bumalanse naman ha nasabi nga paghitaas an paghamubo han presyo han karne.
Nagpapabilin naman nga nakatutok an BSP ha mgapagbabag-o ha pankalibutan nga merkado, partikular ha mga panhitabo ha Middle East nga ha mga kalamidad, agud makag-latag hin kaangayan nga pitad para ha ekonomiya.
