TACLOBAN CITY – Iginkalipay han kontrobersyal nga hi Pol. Lt. Col. Jovie Espenido an pagsalawad han National Bureau of Investigation (NBI) hin panibag-o nga drug-related complaint ala kontra ha self-confessed drug lord nga hi Kerwin Espinosa ngan 25 nga iba pa nga gintutuuhan nga police protectors hini.
Una hini, subay ha reklamo nga ginpasaka han NBI, gin-aalegar nga nagpdayon la gihapon an illegal drug trade ni Espinosa ha Eastern Visayas ha kaluyo han pagkakapreso hini han tuib 2011.
Gingamit daw hini ha iya ilegal nga transaksyon samtang nakadto ha sakob han presuhan an mga kaalyado hini nga pulis ngan private armed men ha gawas.
Sumala naman kan Espenido, saludo hiya ginbuhat nga paghaon hin kaso han NBI ala kontra kan Espinosa ngan ini daw in usa nga positive development ha anti-drug campaign ha nasud.
Naglalaum gihapon an mao nga pulis nga padayon na an pagbulig han NBI ha anti-drug war kumo law enforcement body nga may sadang nga kapas ha pag-iimbestigar ala kontra ha mga indibidwal o grupo nga nagpapaluyo ha ilegal nga mga aktibidad ngan transaksyon.
