TACLOBAN CITY – Gin pirmahan na ni Tacloban City Mayor Alfred Romualdez an Executive Order ngan nagreregulisa han pamarada ha Benigno Aquino Avenue (Youngfield) ha pili nga oras.
Sumala kan Restituto Reglos, Chief Operations hiton TOMECO, an nasabi nga kamanduhan in mahitungod nga nagkakamay-ada hin traffic congestion ha nasabi nga lugar labi na kun rush hour mahitungod hiton paluyo-luyo nga nagpaka-parada nga mga behikulo.
Tikang hiton Lunes ngada hiton ka-Biyernes, igin didire an pagparada ha magkaluyo nga parte han karsada tinikangan hiton alas-6 hiton aga ngada hiton alas-9 hiton aga ngan alas-5 hiton kulop ngada naman hiton alas-8 hiton gab-i.
Para naman masiguro an hapsay ngan sistematiko nga pag-implementa in magbubutang an mga tinaglawas han TOMECO hin mga signages ha kadalanan agud pahimatngunan an ngatanan nga gumaramit han karsada.
