NATIONAL – Gin baton ni Acting Appropriations Panel Chairman ngan Marikina Representative Stella Luz Quimbo an pakiana ni Davao City Rep. Isidro Ungab kun diin yana an enrolled bills han 2025 national budget.
Ha usa nga pahayag, ginmalatumat ni Quimbo nga abri ha publiko para panginanuon an kopya han enrolled bills nga makikit-an yana ha Legislative archives ng House of Representatives.
Ginpakiana manggud ni Ungab kun hain an kopya han enrolled bills agud maikumpara an mga numero ha bicameral conference committee report nga ginku-kwestyon mahitungod ha pira nga blank items.
Gin pahayag ni Quimbo nga kun igbabangga an enrolled bill ha bicam report, sigurado daw nga waray nawara nga blanko.
Utro nga gintagan-duon ni Quimbo nga ngatanan han kantidad nga ginkasarabutan han bicam in amu gihapon an kantidad han ada ha enrolled bills nga gin koreksyunan han technical staff ha pagtutugot han duha nga omnibus provision.
Dugang pa hine, abri ha bisan hin-o nga kwestyunon an 2025 national budget.
Sumala pa ha magbabalaod, iginrerespeto hine an kalayaan han kada tagsa nga magpakiana kasumpay ha 2025 General Appropriations Act.
