TACLOBAN CITY – Arestado an usa nga empleyado han DPWH 1st District Engineering Office Northern Samar, mahuman an gindumara nga operasyon han operatiba hiton kapulisan ha Catarman Northern Samar.
Ginkilala an suspek nga hi Archie Azula, 27 anyos ngan residente han Brgy. Dalakit, Catarman, Northern Samar.
Sumala kan PLT. Col. Michael Jude Dotingco, Chief of Police Catarman MPS nga nadakop an nasabi nga drug personality mahuman an nagin manilapuson nga operasyon han Catarman Municipal Police Station ngan Provincial Drug Enforcement Unit.
Narekupo naman ha suspek an 2 ka sachet ahn gintutuohan nga shabu ngan maabot ha Php 500 ngan Php 1, 000 marked money ha nasabi nga operasyon.
Hapagkayana, kapot na hiton mga otoridad an suspek ngan maatubang ha kaso nga pagtalapas ha RA 9165 o The Comprehensive Dangerous Drugs Act of 2002.
