TACLOBAN CITY -Welcome para ha Department of Environment and Natural Resources (DENR) Regional Office 8 na himuon nga alternatibo nga tourist destination an Sinirangan Bisayas inkaso madayon an plano nga pagsara han Boracay island ha sakob hin usa katuig.
Sumala kan Atty. Crizaldy Barcelo, DENR 8 Regional Director na ha pagkayana in iya na iginmando ha ira mga personnel nga magdumara hin inventory ha tanan nga mga tourist destinations ha bug-os nga rehiyon.
Upod gihapon ha mga monitoring han ira ahensya an tanan nga mga occupants ha kada tourist site sugad han mga commercial establishment nga gintindog ha mga ini.
Padayon gihapon an ira panginano kun nasunod ba an mao nga mga commercial establishments ha mga environmental laws ngan standards ngan kun nabayad ba an mga ini han sakto nga occupational fee.
Ginpapaniguruhan gihapon han mao nga ahensya nga malikayan ngan diri na mautro ha rehiyon an problema nga nanabo ha Boracay.
Samtang, padayon gihapon an pangandaman han DENR ngan Department of Tourism ha influx hin mga turista ha magkadirudilain nga destinasyon ha bug-os nga Sinirangan Bisayas.
