TACLOBAN CITY – Iginpapasalamat han Department of Health Eastern Visayas ha administrasyon Marcos mahitungod han mga dugang mga health care services dinhi ha Sinirangan Bisayas.
In labi na nga an Eastern Visayas Medical Center (EVMC) nga nagseserbi nga regional hospital nga pinakadako ngan pinakahaluag ha bug-os nga rehiyon, in mayda na gin oofer nga mga Specialty Centers sugad han Cancer Center, Eye Center, Toxicology Center, Burn Center, Lung Care Center, Orthopedic Center, Trauma Care ngan damo pa nga iba.
“We have so much to be proud of under the current administration. Malaki ang binigay to help develop our Specialty Centers in Eastern Visayas.” yakan ni Dr. Exuperia Sabalberino, Regional Director han Department of Health Eastern Visayas.
Ginpasabot pa hini nga ha sunod nga mga tuig, in mahuhuman na an gintitindog nga usa pa nga tertiary hospital ha rehiyon nga Samar Island Medical Center nga target magin partially operational ha katapusan naman han sunod nga tuig 2025.
An nasabi naman nga ospital in mayda 300 bed capacity nga magcacater naman han mga probinsya ha Samar Island nga aadto ha Calbayog City, Samar.
Nakatalaan gihapon nga magkaada hin mga Mobile Primary Care Facilities ngan kadugangan nga mga BUCAS Centers ha rehiyon.
