TACLOBAN CITY – Ginpahibaro han DepEd Tacloban City Division, nga gintikangan na an Early Registration para han S.Y. 2023-2024 para ha mga estudyante nga mag-eenroll ha Grade 1,7 ngan 11.
Sumala kan Dr. Nilo Eder,Information Officer Deped Tacloban City Division, nga an panuyo hine in agud nga mahibaruan han ira buhatan an ihap han mga madudugang nga estudyante yana nga pag-abre utro hiton S.Y. 2023-2024.
Dugang pa hine nga nagtikang na an nasabi nga Early Registration han nakalabay nga Mayo 10, ngan maghuhuman naman ine ha Hunyo 6, 2023.
Ginpaangbit naman hine nga magsusunod naman an usa nga classrooms kun pira an ideal number nga gintutugot ha sulod han usa nga classrooms, pero danay in namamag sobra matungod nga damo an nag-iinsist nga mga kag-anak nga ma-enroll an ira mga anak bisan lahos na ha gintalaan nga kadamo han mga estudyante.
Nanawagan naman ine ha mga kag-anak, nga makipag partisipar ha Early Registration han nasabi nga buhatan, ngan dire na maghinulat pa ha katapusan nga adlaw han pan-enroll para han sunod nga school year.
