TACLOBAN CITY – Patay an duha nga menor de edad samtang usa naman an aada ha kritikal nga kondisyon mahuman an nahitabo nga bungguay hin usa nga truck ngan single nga motor ha national highway han Brgy. Rizal, Carigara, Leyte.
Ginkilala an mga namatay nga biktima nga sakay han motor nga hira Raymart Brun ngan Romy Remedio, mga residente han Brgy. Macalpi, samtang, kritikal naman an kabutangan ni Joana Redilla, 15 anyos an pangidaron ngan residente han Brgy. Camansi, Carigara, Leyte ngan paprehas mga estudyante ha Grade 10.
Sumala kan Pol. Master Sgt. Sofronio Pareña Jr. Investigator han Traffic Section han Carigara MPS, biyahe tikadto ha Tunga Leyte an a tulo nga mga estudyante sakay han ira motor han mag-over take ini ha usa nga sarakyan nga naging rason han bungguay hini ha nakatapo nga truck.
Nahibaruan nga nag waray sul-ot nga mga helmet an tulo nga biktima ngan gintutuuhan nga waray ini manulod ha ira klase.
Ha pagkayana in nagpapabilin ha kustodiya han Cariga Municipal Police Station an driver han mao nga truck.
