Gin sigurado han Department of Trade and Industry (DTI) nga magpapabilin nga waray paghitaas ha presyo han mga pangunahon nga papliton kutob ha Abril 30, kasunod han pakikighampang hini ha mga manufacturers dida han Abril 6.
Sumala kan DTI Secretary Ma. Cristina Roque, dire kinahanglan magpanic-buying mahitungod nga supresyente an suplay han mga produkto ha mga masunod nga semana.
Sakop han kasabutan an mga produkto nga mayda suggested retail price (SRP) sugad han de-lata nga sardinas, gatas, tinapay, kape, instant noodles, bottled water, laundry soap, kandila, asin, de-lata nga karne, condiments, ngan toilet soap.
Padayon naman nga ginbabantayan han DTI an mga merkado agud masigurado nga mayda supresyente nga suplay ngan nagpapabilin nga abot-kaya an presyo han mga papliton.
Waray pa naman nahipapatik nga pagtalapas, pero nagpahimatngon an ahensya nga sisirotan hin kaangayan nga sirot an mga negosyo nga matalapas ha SRP o dabi ha hoarding ngan profiteering.
