NATIONAL – Nag-unload an Department of Social Welfare and Development Eastern Visayas hin dire maubos ha 50,000 nga Family Food Packs.
Ine in gindumara han ahensya kumo pangandaman ha posible nga pag-abot han La Niña phenomenon yana nga hinay-hinay na nga gin-aabat an tag-uran ha nasud.
Dugang pa han DSWD, an nasabi nga pangandaman in dire la para ha tag-uran kundi pati na gihapon ha iba pa ngan mga emergency nga pwede umigo ha nasabi nga rehiyon.
Ine daw an istratehiya nira agud dayun nga mabaton an mga panginahanglan han kada residente o pamilya bisan anu oras han kalamidad.
Ha pagkayana in maabot daw ha 100,000 an kabug-usan nga ihap han Family Food Packs nga nakatalaan nga ig-stockpile ha magkaduru-dilain nga preposition site ha nasabi nga rehiyon.
