TACLOBAN CITY — Naglalaum an Department of Labor and Employment (DOLE) regional office 8 nga maipapatuman hin sakto han mga employers an panibag-o nga wage order ha ira tagsa mga empleyado
Ini manggud nga wage rates in maipapatuman ha ngatanan nga minimum wage earners ha pribado nga sector bisan pa man ano nga position, designation, o status han employment.
Sumala kan Norma Rae Costimiano, Information Officer han DOLE regional office 8, basar ha mandato han Labor Code in dapat tangkod nga igpatuman han mga employers an nasabi nga wage increase.
Kinahanglan ngadaw han mga ini tagan hin higayon nga maipatuman bisan man nga hinay-hinay pala nga nag-aabre an pira nga mga negosyo.
Mahinunumduman nga pinagdig-on han National Wages and Productivity Commission an Wage Order No. RBVIII-22 kun diin ig-gagrant an minimum wage increase nga P50 ha Region VIII nga igpapanhatag ha duha nga katranch.
