TACLOBAN CITY – Kadungan han pagselebrar han Labor Day in magdudumara gihapon hin Mega Job Fair an Department of Labor and Employment (DOLE) Region 8, ha Astrodome syudad han Tacloban.
Sumala kan Normarae Costimiano, Information Officer hiton Department of Labor and Employment (DOLE) Regional Office 8, damu kalain nga klase hin trabaho an naghuhulat ha mga mga job seekers ha pagdudumaraon nga Mega Job Fair mahitungod nga damu na iton mga employer nga nagkumpirmar para ha Job Fair kun diin nagtitikang an pira nga mga employers ha national ngan overseas.
Dugang pa han mao nga opisyal, nga kinahanglan la han mga job seekers nga magdara hin damu nga kopya han ira mga resume, application letters, ngan mga relevant nga documents sugad han TOR o an iba pa nga mga kinahanglanon nga dokumento.
Waray naman age limit nga ginpapatuman ha nasabi nga job fair pero madepende la gihapon ine han mga skills nga kikinahanglanon han usa nga employer.
Magtitikang naman an registration han nasabi nga event dida hiton alas-8 han aga ngan mahuhuman naman hiton alas-5 hiton kulop ha Mayo 1 ha Astrodome.
Nagpahimatngon gihapon ine ha publiko nga makadto han job fair nga magdara hin tubig ngan snacks para dire gutumon in kaso nga ighituman ha hilaba nga pila.
