-- Advertisements --
NATIONAL – Kumarawat an Department of Energy (DOE) hin sobra P57 million tikang ha Philippine Charity Sweepstakes Office (PCSO) kumo kaparte han tinuig nga kontribusyon hine ha Renewable Energy Trust Fund (RETF), subay ha Renewable Energy Act of 2008.
Panuyo han nasabi nga pondo nga igduso an mga proyekto para ha malimpyo ngan makabag-o nga teknolohiya ha enerhiya.
Ha bisa manggud han Department Circular No. DC2022-06-0018, aktibo nga ginmamanguluhan han DOE an RETF kaupod an mga ahensya sugad han Department of Science and Technology (DOST) ngan DOST-PCIEERD.
Labot pa hine, presente naman nga ginsusuportahan han pondo an mga proyekto sugad han sustainable aviation fuel production, renewable energy mapping, ngan solar PV market studies.
