Gin sigurado han Department of Energy (DOE) an talwas nga pag-ago han mga suplay han lana ha Strait of Hormuz mahuman magpatapod an Iran hin “safe, unhindered, and expeditious passage through the Strait of Hormuz” han mga Philippine-flagges vessels, pati na gihapon an katalwasan han mga tripulante nga Pilipino.
Ha usa nga social media post, ginmalatumat ni Energy Secretary Sharon Garin, nga kaparte ini han ”Risk Management” han gobyerno agud maibanan an hulga han pagkadelatar han suplay han lana ha butnga han mapaso nga kasamok ha Middle East.
“This is Risk Management, because in a time of global tension, risk reduction is already a meaningful gain,” sumala kan Garin ha usa nga post.
Dako an papel han Strait of Hormuz ha pankalibutan nga kalakan han lana mahitungod nga dinhi naagi an dako nga suplay han nasud. Dugang pa, nakatutuok an kasabutan ha pagpapaubos han kadelikaduha, pero dire hini ginbabaton an panmaihaan nga problema ha enerhiya.
“We also want to manage expectations: This development will not immediately bring down fuel prices, nor does it resolve our long-term structural challenges in energy. Those remain priorities that we continue to address,” dugang ni Garin.
Samtang, ginlalauman la gihapon an panibag-o nga paghitaas han presyo han produkto nga petrolyo ha masunod nga semana, Ginbabana-ban nga posible humitaas an diesel hin P17 ngada ha P19 kada litro, samtang an gasolina naman in posible madugngan hin P3 ngada ha P5 kada litro.
Dugang pa hini, padayon nga nae-eksperyensiyahan susrunod nga oil price hike yana nga tuiga, nga nagdurot hin dako nga dugang-pasanon ha mga motorista ngan mamaralit.
