TACLOBAN CITY – Padayon na guin aaraba han pira na Yolanda survivos an diri daw patas na paghatag hin pabahay ha mga benepisaryo hini.
Sumala kan Nanay Maria han Barangay 58 Aslum, Sagkahan ha syudad han Tacloban na maiha na hira na nagproseso han mga papeles para makatagamtam han pabahay pero hasta ha pagkayana in waray la guihapon ini maihatag.
Dugang pa ni Nanay Maria na guinpinatapod la ini han guintutuuinan na ahensya ngan maging han mga opisyal na daw guinproseso na ngan harani na nga igturn-over.
Guinpasabot guihapon hini nga mas nauna pa nga nagkamay-ada hin pabahay adton mga ulitawo kumpara han may mga kalugaringon na pamilya.
Samtang, naglalaum naman ini na unta maaksyunan han gobyerno an ira mga ungara para ha kaupayan han publiko ngan malikayan o mawara an pagtuo na an mga harani la ha luwag an guinhahatagan hin pagtagad.
