NATIONAL – Umabot ha kabug-usan nga ihap nga 132 nga tawuhan han Philippine National Police (PNP) an waray aprubahi han Commission on Elections (Comelec) agud magin kaparte han mga local absentee voters yana nga piniliay.
Subay ha impormasyon nga nakuha han PNP-Public Information Office, dire ‘pasok’ ha mga aludayday han COMELEC an mga kapulisan nga gintudlok para mahibulig ha local absentee voting nga nag-tikang ha yana nga adlaw.
Pira ha mga grounds nga ginkikita agud dire maaprubahan an mga kapulisan in posible nga waray makit-an an mga ngaran han mga ine tikang ha listahan han national list of registration of voters; an nagsumite han aplikasyon in waray mapanumpa-i; waray umabot ha igintalaan nga panahon han aplikasyon; an application form in posible nga photocopy o facsimile copy la; o di man ngani, an certification portion han pagigin LAV in waray makompleto o naipasa hin waray nafill-upan an ngatanan nga parte.
Samtang, kakulop nga adlaw naman in nagtikang an local absentee voting ha Camp Crame kun diin pinangunahan mismo ni PNP Chief PGen. Rommel Francisco Marbil an nagin piniliay.
Mag-iiha naman kutob buwas, Abril 30, an piniliay han mga personnel han PNP nga gindudumara ha Multi-purpose center han kampo kutob alas-5 la han kulop.
