Pumalag an Department of Foreign Affairs (DFA) ha gin isyu nga bag-o nga travel advisory han China ha Pilipinas ngan gin sigurado nga gin aaksyunan han law enforcement officers an mga nahipatik nga krimen kaupod an ginkakadabihan hn Chinese nationals.
Ha usa nga pahayag, nagdig-on an DFA nga an mga insidente han krimen nga ginsumat ha mga otoridad ha nasud kaupod an mga nahimo han Chinese nationals kontra ha maraot nga binuhtn in masusi nga ginbabaton han kasumpay nga law enforcement authorities.
Nakikigsumpayan na gihapon an gobyerno ha relevant stakeholders ha nasabi nga mga kaso.
Ginbuhat han ahensya an pahayag mahuman nga pahimatngunan han Chinese Foreign Ministry an ira mga residente nga Chinese ha nagtitikaduro daw nga public security ha Pilipinas nga daw gintatarget an mga Chinese nationals, pero subay ha DFA, “mischaracterize” ine ha sitwasyon ha nasud.
Ginpapalikay gihapon an mga Chinese national ha high-risk areas ngan gin abisuhan an mga karuyag bumisita ha Pilipinas nga magdumara anay hin mahugot nga assessment ugsa planuhon an biyahe.
