TACLOBAN CITY- Personal nga binmisita hi Sec. Juan Edgardo “Sonny” Angara han Department of Education ha San Jose National High School kasumpay han makasurubo nga panhitabo hiton panmusil.
Gin-inspeksyon ni Angara an lugar han insidente kaupod an PNP, Barangay Officials, DepEd Division ngan an Alkalde ngan Bise-alkalde han Tacloban.
Dugang pa han Secretary, nga waray baratunon an eskwelahan, upod na an mga magturutdo ngan an mga tag-iya han pusil an magbabaton.
Manunumduman nga dida han Hunyo 22 yana nga tuig, nahitabo an usa nga pamusil ha sakob han eskwelahan kun diin 3 nga mga estudyante an namatay, 1 an aada ha Intensive Care Unit o ICU ngan 22 an nasamaran ngan an iba ha ira in nakagawas na samtang an iba in nagpapabilin nga ospital.
Hapagkayana, an mga suspek nga hira alyas Rod ngan alyas Nash in aada ha kustodiya han mga kapulisan ngan igbabalhin ha Women and Children Protection Desk Police Station 1 Tacloban, samtang nagpapadayon an imbestigasyon.
