TACLOBAN CITY – Aminado an Department of Education Regional Office 8 nga naapektuhan an pagbubudget nira para han mga sporting events sugad han Palarong Pambansa ngan an katatapos la nga Eastern Visayas Regional Athletic Association o kun EVRAA Meet 2023.
Sumala kan Dr. Evelyn Fetalvero, Regional Director hitun DepEd Regional Office 8 nga natigdaan gihapon hira dida han Enero nga magkakamayda ngay-an hin Palarong Pambansa ngan EVRAA yana nga tuig, sanglit dayon hira nga nagplano agud nga matabo an sporting event ha kaluyo han kakulangan han pangandaman.
Kun mahihinumduman, in nagpagawas hin budget an tagsa-tagsa mga Local Government Units para suportahan an ira naman mga atleta, sugad nala han Provincial Government of Leyte nga nagpagawas hin P4.1M, Tacloban City Government nga P5.1M ngan an Central Office han DEPED naman nga P2M.
