TACLOBAN CITY- Maabot na ha sobra 1,115,708 nga mga estudyante an nahipatik nga officially enrolled, subay ha datos han Department of Education Region 8, para yana nga S.Y. 2026-2027.
Sumala kan Jasmin Francisco Calzita, Information Officer, DepEd Region 8, an nasabi nga ihap in tikang ha
Kinder-Elementary-Junior and Senior High School, ha bug-os nga rehiyon.
Dugang pa hine, ginlalauman han ira buhatan nga madudugangan pa an nasabi nga ihap, matungod nga padayon pa an pangarawat han mga estudyante han mga eskwelahan.
Gin-aabi-abi naman hine an mga kag-anak, nga dire na magdinugay ngan ig-pa enroll na an ira mga anak, agud nga dire ine ma-urhi ha mga leksyon ngan dire mabayaan an mga ine ha mga aktibidad hiton eskwelahan.
Mababaruan, nga batasan na hiton mga Piliipino, nga magpa-enroll hin urhi, o ha oras nga nagtitikang na iton klase, ngan kasagaran naman in mayda pa mga transferee students.
