TACLOBAN CITY– Gintagan hin duon han buhatan hiton Department of Education Region 8, nga gintutugot han mao nga buhatan nga magsul-ot an mga magturotdo hin Polo-shirt nga mayda DepEd logo, kasumpay na gihapon ine ha kamapaso hiton panahon.
Sumala kan Jasmine Francisco Calzita, Information Officer han Department of Education Region 8, panuyo hine in agud ma-identipika la gihapon nga an mga ine nga taga DepEd.
Ginmalatumat pa hine, nga kinahanglan naman nga sul-uton la gihapon an ira mga IDs.
Gin-aaghat naman hine an mga magturotdo, nga dire na pumalit pa hin bag-o, lugod gamiton an mga polo shirts nga gin isyu han ira buhatan ha mga nakalabay nga mga aktibidades sugad hiton Brigada Eskwela, Palarong Pambansa, Oplan Balik Eskwela, ngan Regional/ Division/ Schools Conference ngan iba pa, pwede gihapon nira sul-uton an mga white polo shirts nga mayda logo hiton DepEd o kun MATATAG nga imprinta.
