TACLOBAN CITY – Ginpahibaro han Department of Education Region 8, nga nagpapadayon an enrollment ha tanan nga mga grade level, bisan nga nagtikang na an face to face calsses ha bug-os nga Sinirangan Bisayas.
Sumala ka Jasmine Francisco Calzita, tagapagyakan han Department of Education DepEd regional office 8, nga nagpapamulat hira hin adlaw o petsa kun san-o magpapalusad an Central Office han pantag hiton pag-aram kun san-o an clossing han enrollment.
Dugang pa han mao nga opisyal, nga an ira nakarawat pala hapagkayana nga kamanduhan in pwede pa nga kumarawat hin mga enrollees nga mga kabataan nga karuyag maki-usa yana nga school year.
Nanawagan naman ine ha publiko, ilabi na adton mga waray pa makapag pa-enroll matungod nga nagruruwaduha pa an mga ine nga dire na mag-alang ngan bumusita na ha mga eskwelahan nga harani ha ira barangay, agud nga makagtikang na hira kaupod an iba pa nga mga estudyante nga duro ka-excited ha utro nga pag-aabre han in person classes yana nga tuig.
Naghangyo naman an mao nga opisyal, ha mga kag-anak nga asisteran an ira mga anak ngan aghaton nga umeskwela matungod nga an pag-aram an manggad nga dire makakawat han bisan-hino, ngan ine in makakabulig ha ira kinabubuwason.
