TACLOBAN CITY – Ginpahibaro han Department of Education DepEd-8, nga hinay-hinay na nga nasosolbar an mga problema nga nakit-an dida han pagtikang han klase ha rehiyon.
Sumala kan Jasmine Franscisco Calzita, taga-pagyakan han DepEd Regional Office 8, nga subay ha ira nakuha nira nga report tikang han School’s Division Offices, Regional Office Monitoring Team, waray man daw mga major incident nga nahireport ha ira buhatan.
Dugang pa han mao nga opisyal, nga nasosolusyunan naman daw dayun an mga gudti nga problema nga natatabo ha mga skuylahan sugad han kakulangan han mga lingkuran.
Samtang pananglitan naman nga mayda dagko nga mga problema in dayon ine nira ginpapasabot ha ira central offices, para dayun nga matagan hin solusyon.
Ha pagkayana in waray pa naman daw nira eksakto nga ihap han ngatan nga enrollees han rehiyon mahitungod nga padayon pa an pagkarawat han pipira nga mga iskuylahan hin mga studyante.
