TACLOBAN CITY– Nakikisubo an buhatan hiton Department of Education Regional Office VIII, ha mga pamilya han biktima nga estudyante nga dabi han insidente hiton panmusil ha sulod hiton classroom ha San Jose National High School Tacloban City, kanina hiton aga pasado alas 9:00 hiton aga.
Sumala kan Dr. Nilo Eder, Information Officer, Deped City Division, Tacloban City, kahuman nira makarawat an report han insidente dayon hira nga nakig-koordinar ha mga kapulisan, Schools Division Office han Tacloban City,ngan mga school authorities agud nga masigurado an katalwasan han mga estudyante , magturotdo, ngan mga non-teaching personnel, ngan an ngatanan nga mga personnel ha sulod han mao nga eskwelahan.
Dugang pa hine, nakig-koordinar na gihapon hira ha Department of Social Welfare and Development (DSWD) ngan pira pa nga mga concerned agencies agud nga makaghatag hin ka-angayan nga assistance ngan psychosocial support services an mga apekatado ngan mga estudyante ngan mga personnel.
Ha pagkayana, presente nga ada ha under investigation han mga otoridad an nasabi nga panhitabo.
Naghangyo naman ine ha publiko, nga likayan na an pagpasarang han mga sayupo nga impormasyon ngan kumuha la ha mga official statements tikang ha authorized agencies sugadman in magin vigilante ha ngatanan nga panahon.
