TACLOBAN CITY – Ginpahayag han Department of Education (DEPED) nga nagpapadayon pa an deliberasyon kun anu na petsa magtitikang iton masunod nga school year.
Una hini, in gin anunsyo han DEPED nga diri na igpapadayon an plano nga pagpapahalipot han summer break han mga studyante hin duwa ka semana.
Sumala kan Jasmine Calzita, Tagapagyakan han DEPED Region 8, ini in mahitungod nga damo nga mga stakeholders an waray umabuyon ha mao nga plano nga pagpapahalipot han duwa ka bulan nga summer break pakadto ha duwa ka semana.
Mababaruan nga dida la han yana la nga semana in igin-adjust han DEPED an presente nga school calendar agud nga matugunan an mga learning gaps ha mga kabataan kun diin igindus-og an kataposan nga adlaw han klase tikang ha Hulyo 10 tikang ha orihinal nga Hunyo 11.
Diri pa naman mayayakan han mga education officials kun an ma pagbabago han school calendar in magpapahalipot ha summer break.
