TACLOBAN CITY – Usa nga video footage han CCTV an nagsarang ha social media mahuman nga makuhaan an daw usa nga “agta”.
Sumala kan Dennis Godfrey Zacarias Colasito, uploader han CCTV video ngan residente han Tolosa, Leyte, nangingiklop hira han mapansin nira nga an usa nga channel han ira CCTV nga nakaposisyon ha ngadto han pader in naglalaga-laga sanglit gin review daw ine nira.
Maaram daw hira nga waray tawo kada gab-i an nasabi nga balay han ira amyaw sanglit na-concern daw hira nga nag iidlap-idlap man an suga han mga ine.
Ha pag review nira han kuha han ira CCTV in napansin daw han iya asawa an lambong nga lumabay sanglit gin panginano daw ine nira hin maupay mahitungod nga bangin daw mayda tawo nga karuyag sumaka ha nasabi nga balay, han mapansin daw han iya asawa nga mayda ikog an lambong nga umagi.
Gin pause pa daw ine nira ngan gin zoom in ngan out agud makasigurado kun diin mayda daw gud ikog an lambong nga lumabay nga gintotoohan naman nga daw usa nga “agta”.
Gin klaro naman hine nga raw video an iya igin upload ngan waray hiya mag edit ha nasabi nga video.
