-- Advertisements --
NATIONAL – Ginklaro han Department of Agriculture ha publiko nga tutugutan la gihapon an mga benepisyaryo han P29 Bigas Program nga makapalit hin bugas ha ilarom han ginlulunsar nga Rice-For-All Program han ahensya.
Ine an ginbuhat nga pagklaro han ahensya kasumpay han hurob-hurob nga pagdid-an an mga benepisyaryo na han P29 Bigas Program han panibag-o nga programa han DA.
Subay ha ahensya, waray pipilion nga sektor nga matatagan o babaligyaan han barato nga bugas.
Pag-eksplikar pa han DA, ha ilarom han Rice-For-All Program, mapapalit han publiko an abot-kaya nga presyo han bugas nga maabot la ha P45 ngada ha P48 kada kilo.
Maabot naman ha 25 kilos kada pamilya an magigin limit ha Rice-For-All Program samtang, 10 kilos naman ha ₱29 Program.
