TACLOBAN CITY– Nansunog an usa nga coprahan ha Barangay Salvacion MacArthur Leyte han nakalabay nga adlaw.
Gintatag-iyahan ine ni Ruselo Balaga, residente han nasabi nga lugar.
Sumala kan SFO1 Avelino Pasadas, Chief Investigator Macarthur Leyte Municipal Fire Station, naka-karawat hira hin tawag pasado alas 3:57 hiton kaagahon ngan dayon naman an mga ine umasister agud nga poypuyon an kalayo.
Subay ha gindumara nga imbestigasyon, nahibaruan nga nagluto hi Ruselo ngan han iya anak hin copra han mao nga adlaw, ngan han pag-abot han alas 12 han kagab-ihon inmuli an iya anak ha ira panimalay.
Nabaruan naman nga ginpanginano pa ine ni Ruselo, kun diin ha iya paghuna in parong na an kalayo han ira ginluto, ngan kumaturog ine.
Han kama-agahon na usa nga ira amyaw an nakakita nga naglalarab na an copra dryer kun diin dayon naman hine ginsangpit hi Ruselo agud nga maparong an sunog.
Humago naman hin pira ka oras an pagpuypoy han kalayo matungod nga dire madagmit nga maparong an mga copra nga nasunog.
Ha pagkayana, waray pa hira inisyal nga danyos kun pira an ginbayaan han nasabi nga sunog.
