Gin aghat ni Senator Sherwin Gatchalian an gobyerno nga magpatuman nga dayun hin coordinated inter-agency strategy agud maproteheran an pakabuhi han mga Pilipino nga naatubang ha yana ha krisis.
Sumala kan Gatchalian, kaparte ini han short-term proposals nga ginbug-os han PROTECT ad hoc committee nga panuyo atimana an trabaho ngan makaghatag hin suporta ha mga gudti nga negosyo.
Igin punto han senador nga an hitaas nga presyo han produkto nga petrolyo in posible mag-trigger ha damo nga lay-offs ngan freeze hiring labi na ha mga sektor han transportasyon, enerhiya, ngan delivery.
Igin rekomenda han ad hoc committee nga mag-alutaga hin concessional credity para ha mga micro, small, and medium enterprises (MSMEs) ngan temporaryo nga bulig ha operasyon han mga sektor nga duro nga apektado han paghitaas han presyo han lana.
Gintudlok gihapon han magbabalaod nga pwede gamiton han gobyerno an P1.965 bilyon nga dire pa nagagastos nga pondo han Department of Trade and Industry para ha mga programa ha mga MSMEs ha ilarom han 2026 budget ngan an 2025 continuing appropriations para ha mga programa nga pan-suporta ha MSMEs.
