-- Advertisements --
TACLOBAN CITY – Nakompleto na an ginhihingayad nga Access Road ha Housing Sights para ha mga residente han Community of Hope operation blessing.
Sumala kan Silvino Baldesco Jr., Kapitan hitun Brgy. 103 Palanog Tacloban City, duro an kalipay han mga molupyo ha Community of Hope operation blessings mahitungod hine nga proyekto nga iginhatag han syudad.
Subay han mao nga opisyal, permanente na ine nga housing unit kun diin usa ine nga ginhatag nga proyekto han NGO han operation blessing nga maabot hin 100 households an mga naka-akupar hine.
Dugang pa haiya, duro ka makuri an pag-agi hine han mga molupyo ngan ha pagkayana in malipayon na an mga residente nga nasolbar an mao nga problema kaparte ha karsada.
