TACLOBAN CITY – Ginhangyo ni Leyte 4th District Rep. Richard Gomez an Department of Transportation (DOTr) nga buligan an Ormoc City nga mag aghat hin airline companies agud magkaada na hin flight tikang ha Ormoc City tikadto ha Manila
Sumala kan Leyte 4th District Rep. Richard Gomez nga nakahimgraw niya di pala maiha hi Transportation Secretary Jaime Bautista nga mag abre hin take-off ngan landing slots para ha Ormoc Airport.
Kumo kabatonan, naghatag na an DOTR Secretary hin surat ha mga airline companies para magkamayda hira commercial flights an mao nga syudad
Pananglitan magkaada na hin commerial flight and Ormoc City kaupod ha makakabenepisyo hini an mga kaharani nga bungto hinin ngan an probinsiya han Biliran.
Mababaruan nga dida han 2019, ginpahayag han DOTr nga an pagkaada hin world-class tourism destinations ha western part han Leyte iton nagkumbinsir ha national government nga himuan hin airport an Ormoc City.
An mao nga airport in ginpahaluag pa tikang 150 kutob ha 1,350 square meters.
Hapagkayana ginhihingayad na an runway tikang 2018 kutob 2020 pinaagi hin asphalt overlay, strip grade correction project ngan runway widening.
Kaupod gihapon ha mga gin ayad an passenger terminal building nga naruba dida han nakalabay nga Super typhoon Yolanda han 2013,ngan an pagtindog han Civil Aviation Authority of the Philippines administration building.
