-- Advertisements --
TACLOBAN CITY — Maabot ha 14 million pesos an ginbabana-bana nga danyus mahuman nga masunog an usa nga commercial building ha Poblacion, Palompon Leyte.
Sumala kan FInsp. Dennis Martinez, han Palompon Fire Station, nga humagos hin 10 ka oras ugsa nga mapuypoy an kalayo.
Samaran naman an pira nga mga bombero tungod nga ginkinahanglan pa han mga ini nga kumamang ha pagparong han sunog tungod han kadako han kalayo ngan aso nga nagpapakuri ha ira paginhawa.
Ha pagkayana in padayon pa nga gin iimbestigaran han BFP an gintikangan han mao nga sunog.
Nagsagdon naman ini ha publiko nga diri la anay humarani ha nasunod nga commercial building tungod nga ada na ha kritikal an structural condition hini tungod han makusog nga pagkasunog.
An kaparte han pamahayag ni FInsp. Dennis Martinez, han Palompon Fire Station
