TACLOBAN CITY – Magkakamayda hin homecoming event an City Government han Tacloban para kan Bb. Pilipinas Globe Chelsea Fernandez yana nga Setyembre 21-23, 2023.
Sumala kan Malou Tabao, Head City Tourism Office Tacloban, nga nagbug-os an ira buhatan hin aktibidad kun diin magkakamayda hin ‘Meet and Greet’ ha mga local malls ha syudad, photoshoot, press conference, motorcade, ngan sugadman courtesy call ha office of the City Mayor.
Dugang pa han mao nga opisyal, nga ine nga ira ginlatag nga aktibidad in kumo pasasalamat kan Chelsea, matungod nga ginrepresentar hine an Tacloban City ha nagin prestihiyuso nga paisan-isan nga Bb. Pilipinas kun diin nadukdok hine an korona kumo Miss Globe.
Ginmalatumat pa han mao nga opisyal, nga magpapabelin hin tulo ka adlaw an mao nga kanididata ha syudad kahuman in mapakadto ine ha Albania agud nga igrepresentar an nasod ha Miss Globe International yana nga September 30, 2022.
Manunumduman, nga anay hi Chelsea ginkoronahan kumo Miss Tacloban 2017 ngan Reyna ng Aliwan 2018.
