TACLOBAN CITY – Ginpanginano han buhatan hiton City Tourism Office han syudad, an pira nga mga mass grave kun diin ginpanlubong an yinukot-yukot nga patay nga lawas durot ha paglasurbo han Super Typhoon Yolanda han tuig 2013.
Sumala kan Malou Tabao, Head han City Tourism Office, nga ha ira paglibot nahibaruan nira nga kinahanglan na panbalyuan na nga ig-ingrave an mga ngaran matungod nga nagigin faded na an mga ine, ngan kinahanglan na gihapon balyuan hin mga pintura.
Dugang pa han mao nga opisyal, nga partikular nga ira ginbisita in ha may Holy Cross, Astrodome, ngan Basper.
Maglalatag naman hin plano ngan schedule an nasabi nga buhatan agud nga dire magkamayda hin kasamok ngan pagbugiot hiton tawo ha nasabi nga mga lubnganan.
Ginlalauman naman han mao nga buhatan nga posible nga bumisita hi President Bongbong Marcos Jr. ha November 8, kun diin gindudumdom an anibersaryo han Super typhoon Yolanda.
