TACLOBAN CITY – Nagpapamulat pa an City Tourism han tacloban ha magigin rekomendasyon han Local Promotion Board bahin han magiging sitwasyon han tourismo ha siyudad.
Sumala kan Bardot Atillo, tagmangulo han City Tourism, nga ha pagkayana in naglilibot libot an mao nga board ha bug-os nga rehiyon agud nga mahibaruan kun ano an mga parasyadahan o tourist destinations an pwede na kadtuan hilabi na han mga turista.
Aminado naman an mao nga opisyal nga diri pa sugad ka andam an siyudad hilabi pa ha kahimtang han panahon o an ginkakaatubang nga pandemya.
Mababaruan nga kaurugan man gud nga gintutugot ha mga parasyadahan an mga locals la.
Samtang sumala kan Atillo nga bisan gin abrehan na an pira nga mga parasyadahan in mahugot la gihap an ira ginpapatuman nga protocol.
