TACLOBAN CITY – Magpapabilin la gihapon an hilarom nga sumpayan han Pilipinas ngan Amerika ha luyo han bag-o nga administrasyon ni Donald Trump.
Sumala kan TFCCCI Information Officer Hon. Colai Go nga dire magbabag-o iton sumpayan han duha nga nasud partikular na gihapon ha urusturyahon parte ekonomiya.
Dugang gihapon hini nga dida han siyahan nga paglingkod ni Trump kumo ika-45 nga Presidente han Amerika dida han mga nakalabay nga tuig in waray naman may nagin problema ha koneksiyon han duha nga nasud.
Pokus mangud han administrasyon ni Trump in mga ilegal nga immigrants ngan an pagpahamubo han inflation ha Amerika.
Samtang, sumala pa kan Go, ginalalauman naman yana hiton Pilipinas nga mas magin maupay pa iton trading ngan agud mas rumibhong pa iton ekonomiya han Pilipinas ngan US.
