TACLOBAN CITY – Nagpapadayon na an mga ginbubuhat nga mga pangandaman han City Government han Tacloban, para han nagtitikahirani nga kapiyestahan ni Senor Sto. Nino nga asya naman itun santo patrono han syudad.
Sumala kan Malou Tabao, Head hitun Tacloban City Tourism Office, nga ira gintikangan an selebrasyon han syudad pinaagi han Grand Santa Cruzan, ngan ginsundan ini han pag abre naman han Sangyawan Musical Festival Park ha Leyte Park Grounds.
Lakip ha mga magigin aktibidad nga pagbabantayan han sydudad in an Miss Tacloban, Ginoong Sangyaw, Pre-Balyuan Rites, ngan mga cultural activities sugad han Sangyaw Parade of Lights.
Nakikita naman ni Tabao, nga mas madamo pa an mga mapaknhi ngan mabisita ha syudad nga magpapahitaas naman han ekonomiya ngan tourism arrival kumpara han una nga tuig.
Dugang pa han mao nga opisyal, nga ini nga pagdamo hitun mga turista ha syudad in matatagan hin tyansa an mga negosyo nga naapektaran han COVID-19 nga makabakdaw na yana nga tuig.
