TACLOBAN CITY– Gintagan hin pagklaro han City General Services hiton syudad an mga reklamo nga nagsasarang kasumpay ha mga street lights nga dire nagpaka-lubong ha tuna lugod in nakabutang la ha ligid hiton kakarasadahan.
Sumala kan Engr. Leo Parado, Head han City General Services han Tacloban, nga an nakatuka an mao nga proyekto iton buhatan han Tacloban District Engineering, kun diin hira an reponsable han pamutang hiton mga street lights ha bug-os nga syudad.
Dugang pa han nasabi nga opisyal, nga dire la an publiko an naka-kita han mga poste hiton street lights nga ada la nakabutang ha mga ligid hiton karsada, matungod nga kalakip gihapon an ira buhatan in nakakita han nasabi nga isyu.
Ginmalatumat pa hine nga ira na gintawag an atensyon han mga engineers ha nasabi nga programa hiton syudad ngan ginpaghingadayan na han mga ine kun anu an maupay nga solusyon.
Ginpaangbit pa ni Parado, nga nabaraka an ira buhatan matungod nga delikado an mao nga mga poste nga dire nakalubong ha tuna, matungod nga makakag-kawsa ine hin disgrasya ha publiko.
