TACLOBAN CITY – Aanhi na ha syudad han Tacloban an Cargo Vessel nga Jing- Ming No. 16 nga sumanglad ha Northern Samar nga may sakay nga 9 nga foreign national nga narescue han mga otoridad dida han lumasurbo an Bagyong Agaton.
Sumala kan Lt. Johonsan Fabilane, Commander han Philippine Coastguard Guard Eastern Leyte, na guindanas han salvage companay an mao na barko tikang ha Northern Samar kun diin namumutang na ini ha pagkayana ha Tacloban City Port Area.
Dugang pa hini, na guipapamulat la nira an pagbubuhaton na imbentaryo han Bureau of Customs (BOC)
Samtang, guinklaro naman han mao na opisyal na diri n a maibabalik an mao na barko tipakadto ha nasud China mahitungod ha nabuhat hini na pagtalapas han safety regulations ngan diri na daw ini rehistrado.
Una naman na guinpahayag ni Lt. Fabilane, na waray daw nakit-an na mga kontrabando ha sulod han Cargo Vessel.
Manunumduman na guin- aaligar na tikang ha mao na Cargo Vessel an nakit-an nga P125-M nga kantidad han cocaine ha Matnog, Sorsogon dida han nakalabay na Enero 4, 2018.
