-- Advertisements --
TACLOBAN CITY — Dead on the spot an usa nga miyembro han Citizen Armed Force Geographical Unit (CAFGU) mahuman nga pagpupusilon han duwa nga gintutuuhan nga miyembro han Communist Terrorist Extortionist (CTEs) ha Sitio Sinulayan , Brgy Sangay, Palapag Northern Samar.
Ginkilala an biktima nga hi Pedro Espinosa Verano, 50 anyos an pangidaron.
Nag-angkon ini hin 2 nga igo ha parte han iya lawas nga nagresulta han iya dayon nga kamatayon.
Ha pagkayana in nagpapadayon pa an ginbubuhat nga imbestigasyon han mga kapulisan kaparte han mao nga insidente.
Manunumduman nga yana nga semana in tulo na nga magkasunod-sunod nga shooting incident an nahipapatik ha Samar.
